Мадридда янги трио ёхуд "Реал" голларини ким яратмоқда?
24 feb 2018 13:57
News

Мадридда янги трио ёхуд "Реал" голларини ким яратмоқда?

Охирги вақтларда айнан ушбу учлик "қироллик клуби"нинг ғалабаларига катта хисса қўшмоқда.

Буни қарангки, "Реал Мадрид"нинг охирги 16 голидан 15 тасида Роналду - Васкес - Асенсио учлиги иштирок этган.

Улардан ҳеч бири ишитрок этмаган биргина голни пенальтидан — Серхио Рамос киритди.

Марко Асенсио ва Лукас Васкес доим ҳам асосий таркибда майдонга тушмасалар ҳам катта фойда келтираётганлари яққол кўриниб турибди.

Аввалроқ Криштиану жамоа Пепе, Хамес ва Моратани сотиб юбориб чакки қилганини айтганди. Футболчининг фикрича, улар захирадан майдонга тушиб, жамоа ўйинини кучайтираётганди.

Ким билади дейсиз, балки ўша муаммо ўз ечимини топгандир. Ёки Асенсио ва Васкес нафақат захирадан тушиб ўйинни кучайтирадиган, балки келажакда "қироллик клуби" асосий ўйинчиларига айлана олишар.