"Ливерпуль" собиқ ҳимоячиси Ловрен Салоҳнинг ёнини олди
09 dec 2025 20:58
News

"Ливерпуль" собиқ ҳимоячиси Ловрен Салоҳнинг ёнини олди

ПАОК ҳимоячиси Деян Ловрен ижтимоий тармоқларда "Ливерпул"да ўйнайдиган дўсти Муҳаммад Салоҳни қўллаб-қувватлади.

Икки футболчи илгари "қизиллар" сафида бирга ўйнаган. Салоҳ "қизиллар" бош мураббийи Арне Слотни танқид қилди ва ўзининг жамоадаги мавқеидан норозилигини билдирганди.

"Адолатсизликка қарши курашишнинг ягона йўли — бор куч-ғайратингиз билан олишиш", – деб ёзган Ловрен.

Салоҳ ушбу мавсум "Ливерпуль" таркибида 19 ўйинда майдонга тушиб, 5 та гол урди ва 3 та голга ассистентлик қилди. Ҳужумчининг клуб билан амалдаги шартномаси 2027 йилнинг ёзигача амал қилади.

Аввалроқ Роналду билан шов-шувли интервьюлар уюштирган Пирс Морган Салоҳни суҳбатга таклиф этган эди.

Link :

Source : Liverpool Echo

Receive latest football news directly on your phone. Subscribe for our Telegram channel!

Rating: +5