Лаудруп: "ПСЖ ва "Манчестер Сити" яхшироқ ўйнади, аммо "Реал" Чемпионлар лигаси финалида"

"Реал Мадрид" жуда узоқ ва бой Европа тарихига эга. Ўтмишда ҳам ажойиб камбэклар бўлган, аммо бу мавсумда содир бўлаётган воқеалар ақл бовар қилмайдиган кўринишда. 1/8 финал, 1/4 финал, 1/2 финал - бу ҳодиса нақ уч марта содир бўлди. ПСЖ ва "Манчестер Сити" яхшироқ ўйнади, аммо барибир "Реал" Чемпионлар лигаси финалига йўл олди.

ПСЖ, “Челси”, “Манчестер Сити” билан ўйинларни кўрдик. Камбэк бир марта содир бўлганда, уни тасодиф деб аташ мумкин эди, лекин ҳар гал шундай бўлмоқда. “Реал” аввалига гол уриш учун вақт топа олмайди, лекин қисқа ватда имкон топади - икки дақиқада иккита гол”, - деди Лаудруп.

"Реал Мадрид" Чемпионлар лигаси финалида "Ливерпуль" билан тўқнаш келади. Учрашув 28 май куни бўлиб ўтади.