Лапорта "Реал" билан ўйиндан сўнг ҳакамлар хонасига кириб, баъзи ҳолатларга ойдинлик киритишни талаб қилди

Бу ҳақда "Marca" хабар бермоқда.

"Учрашув якунланиб, ҳакамлар бригадаси кийиниш хонасида бўлган пайтда "Барселона" президенти Жоан Лапорта хонага кириб, ўйин давомидаги айрим вазиятларга ойдинлик киритишни қайта-қайта сўради. Шу муносабат билан ундан ҳакамлар хонасидан кетиши сўралди, бошқа ҳеч қандай ҳодиса содир бўлмади", – дейилади рефери Хосе Мария Санчес Мартинес ҳисоботида.

Манбага кўра, Лапорта 75-дақиқада ҳужумчи Роберт Левандовски йиқилганидан сўнг пенальти белгиланмагани, шунингдек, 90-дақиқада Эрик Гарсия Родригога нисбатан қўполлик ишлатилгач, 11 метрлик қоидабузарлик туфайли пенальти белгиланганидан норози бўлган.

"Барселона" 9 ўйинда 22 очко тўплаб, иккинчи ўринда бормоқда, каталонияликлар Ла Лиганинг жорий мавсумида илк мағлубиятини қабул қилиб олишди.