Ла Лига юлдузи АПЛ грандлари қизиқишига қарамай, "Реал"га ўтмоқчи
25 mar 2024 12:50
News

Ла Лига юлдузи АПЛ грандлари қизиқишига қарамай, "Реал"га ўтмоқчи

"Жирона" ҳимоячиси Мигель Гутьеррес "Арсенал", "Челси"ва "Манчестер Юнайтед" қизиқишларига қарамасдан, собиқ жамоаси "Реал"га қайтиши мумкинлиги ҳақида хабарлар тарқалди.

22 ёшли Гутьеррес жорий мавсумда "Жирона"нинг етакчи ўйинчиларидан бири бўлиб, 32 ўйинда 6 та гол урди ва 6 та голли узатмани амалга оширди.

Ҳимоячи 2022 йилда "Жирона"га ўтган, товон пули 8 миллион еврога тенг. "Relevo" ходими Хорхе Пикон фикрига кўра, Гутьерреснинг "Лос-Бланкос"га қайтиш эҳтимоли юқори.

"Реал"да икки нафар чап қанот ҳимоячиси – Ферлан Менди ва Фран Гарсия бўлса-да, ёзда учинчи ҳимоячи ҳам пайдо бўлиши мумкин.

Шуни таъкидлаш керакки, Гутьеррес яқинда ёпилган трансфер ойнасида "Челси", "Манчестер Юнайтед" ва "Бавария"га ўтишдан бош тортган эди.

Link :

Source : Relevo

Receive latest football news directly on your phone. Subscribe for our Telegram channel!

Rating: +5