Креспо: “Лаутаро янги Агуэро бўлиши мумкин”

“Мауро Икарди ва Пауло Дибаланинг нималарга қодир эканлигини биламиз. Бироқ Лаутаронинг нималарга қодир эканлиги ҳақида энди-энди билиб боряпмиз. Лаутаро янги Серхио Агуэро бўлиши мумкин. Унда Серхио каби тезкор дриблинг йўқ бўлиши мумкин. Бироқ у Агуэродан ҳам кўра жамоавий ўйинчи. Лаутаро доимо ҳаракатда, шу боисдан ҳам турли тоифадаги ҳужумчи ролида пайдо бўлиши мумкин. Ҳаттоки уч ҳужумчи тактикасида ҳам. Менга унинг ақлий салоҳияти жуда ҳам ёқади ”, — дейди Креспо.

Эслатиб ўтамиз, Лаутаронинг хизматларига “Барселона”дан жиддий қизиқиш бор. Каталония клуби Мартинес учун “Интер”га сўнгги таклифни юбориши айтилмоқда.