"Жон сақлаш учун курашмаймиз, "Қўқон-1912"нинг мақсади фақат юқорига интилиш" - Жасурбек Ёқубов

"Шунқорлар" яқинда мудофаа чизиғидаги муаммоларни бартараф этиш мақсадида Жасурбек Ёқубовни таклиф қилди ва томонлар расман шартнома имзолади. Биз эса унинг янги жамоасидаги фикрларини тингладик. 

"Жамоадагилар менга бегона эмас. Баҳром Ҳайдаров, Рустам Арипов билан бирга "Сурхон"да ишлаганмиз. Уларнинг таклифини ўйлаб ўтирмадим. Сабаби Қўқон ўзимни уйим. Бир неча йил олдин тўп тепиб кетганман. Ўшандан кейин "Пахтакор", "Бунёдкор", "Сўғдиёна" каби жамоаларда ўйнадим. Ўйлайманки, ҳаммаси яхши кечди. Фақат ўтган йили иккинчи даврада жароҳат олдим. Ҳозирда жамоа билан машғулотларни бошладим. Шу бироз қийинчилик туғдирди. Насиб қилган экан яна Қўқондаман. 

Жамоамиз Суперлигага қайтди. Лекин бу дегани жон сақлаш учун курашади дегани эмас. Мақсадимиз фақат олдинга интилиш. Юқори ва муносиб ўринларга ҳаракат қиламиз. Жамоа ёмон эмас, аҳил оила йиғилган. Мавсум стартигача бир-биримизни тушуниб оламиз. Ҳозир асосан жисмоний юклама оляпмиз. Ҳар томонлама тайёр бўламиз",- дейди Жасурбек Ёқубов.