"Жайхун" устози Айбек Нурбаев: "Сарсенбаев ва Эримбетовни бирданига асосий таркибга киритмаймиз"
22 apr 23:59
News

"Жайхун" устози Айбек Нурбаев: "Сарсенбаев ва Эримбетовни бирданига асосий таркибга киритмаймиз"

Ўзбекистон кубоги гуруҳ босқичи 2-туридан ўрин олган "Хоразм" - "Жайхун" (3:1) учрашувидан сўнг меҳмонлар бош мураббийи Айбек Нурбаев матбуот анжуманида иштирок этди.

Ўйин ҳақида

"Хоразм" жамоасини ғалаба билан табриклайман. Бугунги ўйинга кўнгилдагидек тайёргарлик кўра олмаган эдик. Тақвим зич, машғулотга ҳам улгурмай қолдик. Жамоамиз ёш футболчилардан иборат. Вазиятларимиз бўлди, барчасидан ҳам фойдалана олмадик. Ўйин амалиёти кам футболчиларга имконият бердик. Ҳозирданоқ кейинги ўйин ҳақида, Про-лига доирасидаги "ФарДУ" билан кечадиган сафар учрашувимиз ҳақида ўйлаяпмиз.

- Жамоангиз таркибида 2 нафар футболчи Осиё чемпиони бўлишди - Сарсенбаев ва Эримбетов. Улар катта эҳтимол навбатдаги цикл - жаҳон чемпионати учун кўпроқ терма жамоа ихтиёрида бўлишади. Шу ҳақида фикрингиз?

- Сарсенбаев ва Эримбетов ёш футболчилар, эндигина 17 ёшга қадам қўйишди. Мавсум бошида 3 кун биз билан машғулот ўташди ва шундан сўнг терма жамоа ихтиёрига кетишди. Чемпион бўлганликларидан жуда хурсандмиз. Улар айтиб ўтганимдек, жуда ёш футболчилар, бирданига Про-лигада жамоамиз асосий таркибига жалб этмаймиз. Ўйинлар, машғулотлар давомида ишлаб, секин-секин асосий таркибга тайёрлаб борамиз.

Link :

Source : championat.asia

Receive latest football news directly on your phone. Subscribe for our Telegram channel!

Rating: