Жаҳон чемпионатига чиқди, лекин ўйнамаслиги мумкин — Эронни нима кутмоқда?

Эрондан ташқари, Япония, Янги Зеландия, Аргентина ва учта мезбон давлат – АҚШ, Канада ва Мексика аллақачон турнирда иштирок этиш ҳуқуқига эга.

Бироқ Эроннинг ЖЧ-2026даги иштироки сўроқ остида қолмоқда. Мамлакат АҚШнинг "қора рўйхати"га киритилган, бу эса жамоанинг плей-офф ўйинларининг аксарияти ўтказиладиган мамлакатда ўйнашига тўсқинлик қилиши мумкин. ФИФА вазиятни ҳал қилиш учун Америка ҳукумати билан музокаралар олиб бормоқда.

Ушбу рўйхатда жойлашган Венесуэла ҳам худди шундай вазиятга тушиб қолиши мумкин. Жамоа ўз тарихида илк бор Жаҳон чемпионатига чиқишни мақсад қилган ва ҳозирда Жанубий Америка саралаш босқичида еттинчи ўринни эгаллаб турибди, бу эса унга плей-офф ўйинлари ҳуқуқини беради.

Агар кириш тақиқи ўз кучида қолса, бу катта можарога олиб келиши мумкин. Эрон ёки Венесуэланинг мусобақадан четлаштирилиши футбол тарихида мисли кўрилмаган ҳодисага айланиб, халқаро миқёсда кенг муҳокамаларга сабаб бўларди.