Футболда янги қоидалар ишга тушмоқда!

Унга кўра, ушбу ёздан эътиборан дарвозабон қўлидаги тўпни 8 сониядан кўпроқ ушлаб турса бош ҳакам томонидан бурчак зарбаси белгиланади. IFAB бу борада кўплаб тажрибалар ўтказган ва янги қоидага қатъий амал қилиш ҳулосасига келган. Бош ҳакам қўлини кўтарган ҳолда 5 сония санайди. Саноқ эса қачонки дарвозабон тўпни тўлақонли назоратига олганидан кейин бошланади. Бунда дарвозабон қандай ҳолатда эканлиги инобатга олинмайди.

Бурчак зарбаси эса дарвозабон қоидани бузган нуқтасига яқин бўлган бурчакдан амалга оширилади. Қачонки бу қоидабузарлик яна давом этса дарвозабон сариқ карточка билан жазоланади.

Шунингдек, янги мавсумдан эътиборан яна бир қанча қоидалар кучга киради:

- эндиликда фақатгина жамоа сардорлари бош ҳакам билан суҳбатлашишлари мумкин.

- агарда ўйин тўхатилса-ю, тўп жарима майдончаси ичида бўлса, тўп ҳимояланаётган томон дарвозабонига берилади. Агарда тўп жарима майдончаси ташқарисида бўлса, ўйин тўхтатилгунига қадар тўп қайси жамоада бўлса, ўша томонга берилади. Агарда бош ҳакам буни аниқлашга қийналса, тўп сўнгги бора теккан жамоага берилади.

- агарда мураббийлар штаби аъзоси, захирадаги футболчи, алмаштирилган футболчи, четатилган футболчи ёки вақтинча майдондан ташқарида бўлиб турган ўйиндаги футболчи майдондан деярли чиқиб кетаётган тўпга тегиб кетса ёки атайин тегса, ўша жамоа зарарига эркин зарба берилади. Баъзида мағлуб бўлаётган жамоа аъзолари тўпни тезроқ ўйинга киритиш учун тўпни олиб беришга ҳаракат қилишади. Бундай ҳолатда ҳам ўша жамоа зарарига эркин зарба амалга оширилиши мумкин, бироқ бу ҳолатга карточкалар кўрсатилмайди.

- дарвозабон тўпни қўли билан отиб бергандаги оффсайдни аниқлашда тўпга охирги марта контакт бўлган пайтдаги нуқта инобатга олинади. Шундай ҳолатда оффсайдни аниқлаш янада осонлашади.

Энди турнир ташкилотчилари ҳакамларга ВАР ёки узоқ вақтли видеотекширувлардан кейин чиқариладиган қарорларни мухлисларга овоз чиқарган ҳолатда эълон қилишларини талаб қила олишади.