"Эл Класико"гача. "Реал"нинг додини берган "Барселона"нинг 4 футболчиси

"Реал"ни "дабдала қилган" "Барселона"нинг 4 футболчиси ҳақида фикр юритамиз.

4. РОМАРИО

1994 йил бундан-да ёмон бошланиши мумкин эмасди.

"Реал" "Барселона" майдонига сафар уюштирди ва тарихдаги энг ёмон мағлубиятини қайд этди. Ўшанда Йохан Кройффнинг бошчилигидаги орзулар жамоаси унутилмас ғалабани қўлга киритганди.

"Барселона" суперюлдузи Ромарио ўзининг энг яхши ҳолатида эди. У "Реал"га қарши баҳсда хет-трик қайд этди. Шунингдек, Рональд Куман ва Иван Иглесиас ҳам рақиб дарвозасини ишғол қилди.

Биргина Ромарионинг ўзи "Реал"ни довдиратиб, барча ишни деярли бир ўзи ҳал қилди.

3. ГАРИ ЛИНЕКЕР

"Эл Класико"даги энг яхши инглиз футболчилардан бири.

1987 йилда "Барселона" "Камп Ноу"да "Реал"ни меҳмон қилди. Англиялик футболчи эса дастлабки 5 дақиқадаёқ рақиб дарвозасини 2 бора ишғол этди.

Линекер жарима майдончаси ичида тулкига мос айёрлик билан ҳаракат қиларди. Илк гол Виктор Муноз, иккинчиси эса Карраскодан қабул қилиб олинган пасдан кейин урилди.

Линекер учрашувда хет-трик қайд этди. Бироқ учрашув якунига қадар каталонияликлар 2 гол ўтказиб юборишди. Якуний ҳисоб - 3:2.

2. ЛЕО МЕССИ

Лео Месси "Реал"га урган голини қандай нишонлаганини ҳамма эсласа керак.

Сўнгги йилларда "Барса" "Реал"ни кўпроқ мағлуб этмоқда. У 2009 йилда 6:2 ҳисобида якунланган ўйинда хет-трик қайд этди, 2010 йилда (5:0) эса "Реал" билан даҳшатли ўйин намойиш қилганди.

У "Эл Класико" тарихида энг кўп гол урган ва ассистент бўлган футболчи - 25 гол, 14 ассистентлик. Ўтган мавсумда "Сантьяго Бернабеу"да ўтган учрашувда Месси сўнгги дақиқаларда гол уриб, жамоасига ғалаба келтирганди.

Сиз Месси 1-ўринда бўлишини кутганмидингиз? Демак, адашибсиз.

1. РОНАЛДИНЬО

Мессига қадар Роналдиньо ўзининг бразилча ўйин услуби билан "Реал"ни тиз чўктиришга эришганди.

Самуэль Это'Oдан кейин каталонияликларда Роналдиньо исмли футболчи етакчиликни ўз қўлига олганди. 2005 йилдаги "Эл Класико"да у Сальгадо ва Рамосни қандай қийнагани кўпчиликнинг ёдида бўлса керак.

"Эл Класико" тарихидаги энг чиройли воқеалардан бири содир бўлди. Мадрид жамоаси тарафдорлари "Бернабеу"да Роналдиньонинг ўйинларига қарсаклар чалдилар ва шундай ҳаракатлари учун миннатдорлик билдирдилар.

Миржалол Норматов таржимаси