Дамир Темиров: "Бу йил икки ҳисса куч билан ўйнашим керак. Бошқа йўли қолмаган"
08 feb 2022 12:00
News

Дамир Темиров: "Бу йил икки ҳисса куч билан ўйнашим керак. Бошқа йўли қолмаган"

Луисма Эрнандес бошчилик қилаётган "Металлург" янги мавсумга тайёргарликнинг навбатдаги босқичини Антальяда олиб боряпти.

Жамоанинг ўтган мавсумдаги энг яхши футболчиларидан бири Дамир Темиров бу ердаги илк кунги машғулотлар борасида хулосаларини билдирди.

"Қишда жамоани кўп футболчилар тарк этди. Ҳозирда янги жамоа сифатида шаклланмоқдамиз. Ўйлайманки, мавсум давомидаги натижаларимиз билан мухлисларни уялтириб қўймаймиз. Билсангиз тайёргарликни эртароқ бошладик. Туркия йиғини жисмоний томондан формага кириб олиш имконини беради. Ҳар доим максимал кўрсаткич қайд этишга ҳаракат қиламан. Эндиликда икки ҳисса куч билан ўйнашим керак. Бошқа йўли ҳам қолмаган",- дейди Дамир Темиров.