"Челси" "Ювентус" билан футболчи алмашиши мумкин

Антонио Рюдигер ва Андреас Кристенсен шартномалари якунланганидан сўнг жамоани тарк этгани учун "Челси" ҳимояни мустаҳкамлаш учун номзодлар қидирмоқда.

Вариантлардан бири сифатида "Ювентус" марказий ҳимоячиси Маттейс де Лигт вариани кўрсатилмоқда.

22 ёшли нидерландиялик футболчининг шартномасида товон пули 120 миллион евро деб кўрсатилган. Унинг "кекса синьора" билан шартномаси 2024 йилда тугайди ва бу сана яқинлашгани сари "Ювентус" футболчининг эҳтимолий трансферига эътиборни кучайтиради.

Туринликлар "Челси" ярим ҳимоячиси Жоржиньога бўлган қизиқишини пасайтирмаган. Лондонликлар мазкур вазиятдан унумли фойдаланиб қолиши мумкин.