"Челси" Канте ўрнига "Реал"дан Камавингани қўлга киритмоқчи
23 jan 2023 17:29
News

"Челси" Канте ўрнига "Реал"дан Камавингани қўлга киритмоқчи

"Челси" "Реал" ярим ҳимоячиси Эдуардо Камавингани ўз сафига қўшиб олмоқчи, дея хабар берди "90 min".

Манбага кўра, "Челси" Камавингани келаси ёзда Лондонни тарк этиши мумкин бўлган Н'Голо Канте ва Жоржиньонинг ўрнида кўрмоқда. Шу билан бирга, Камавингани олиб келиш осон бўлмайди, чунки "Реал" ҳам футболчида истиқбол кўрмоқда.

Шунингдек, "Арсенал" франциялик ярим ҳимоячини ижарага олмоқчи экани ҳам хабар қилинганди.

Олдинроқ Мадрид клуби бош мураббийи Карло Анчелотти 20 ёшли франциялик футболчи дахлсиз эканини таъкидлаганди.

Камавинга 2021 йилдан бери "Реал"да ўйнаб келмоқда. Унинг мадридликлар билан амалдаги шартномаси 2027 йилгача мўлжалланган. У жорий мавсум Испания клуби сафида 27 та ўйинда майдонга тушиб, 1 та голли узатмани амалга оширди.

Link :

Source : 90 min

Receive latest football news directly on your phone. Subscribe for our Telegram channel!

Rating: +2