Бускетс сафдан чиқди

32 ёшли футболчининг жароҳати ҳақида клуб матбуот хизмати шундай хабар берди.

"Серхионинг юз чаноғи юқори қисми жиддий жароҳатланган. У яхши ҳолатда, аммо буни даволаш учун бир қанча вақт кетади", - дейилади баёнотда.

Эслатиб ўтамиз, футболчи "Атлетико" ҳимоячиси Стефан Савич билан тўп учун ҳаводаги курашда боши билан тўқнашиб кетди.

Ушбу мавсумда Бускетс барча турнирларда 47 ўйинда қатнашди.