Бир куни Моуриньо Модрични "Эллик ёшли Зидан" деб атади. Лука билан қандай воқеа содир бўлганди?

Учрашувларнинг бирида (Модричнинг хотираларига кўра, бу "Депортиво"га қарши баҳс бўлган), очиқчасига жаҳли чиққан Моуриньо танаффусда Модричнинг ўйинини танқид қилган:

"Лука, бу нимаси? Сен эллик ёшли Зидан каби ўйнаяпсан!"

Хорватиялик ярим ҳимоячи Моурнинг койишига муносабат билдирди:

"Мен у нимани хоҳлаётганини тушундим. Техник жиҳатдан яхши ўйнадим, лекин керакли ритм ҳамда тезлигим яхши эмасди. Моуриньо эса тажовузкор, ўта шиддатли ўйинни, тўп билан ва тўпсиз муттасил югуришни талаб қиларди. Мени Зидан билан таққослаш, ҳатто, ёқимли эди. Албатта, бу гап ўринли эди, чунки мураббий ранжиганди".