Бензема: "Бунчалик кўп голлар уришни ўйламаган ҳолда "Реал"га совринлар учун ўтганман"

"Ди Стефанодан ўтиш - орзу, сабаби у "Реал" афсонаси. "Реал" ўйинчиси сифатидаги тақдимотимда мени қандай қучоқлагани эсимда. Ди Стефано менга ушбу буюк клубда ўйнашдан роҳатланишимни айтганди. Унинг даражасига чиққанимдан бахтлиман ва бу менга янада юқорироқ маррага чиқиш учун куч беради".

Ҳужумчи Мадриддаги ҳар бир кунида роҳатланаётганини қайд этди.

"Бунчалик кўп голлар уришни ўйламаган ҳолда "Реал"га совринлар учун ўтганман. Доим инсонларнинг хотираларида қолишни хоҳлаганман. Тўғри йўлдаман деб ўйлайман. Мадридда ўзимни уйдагидек ҳис қиламан, бу ер менга ёқади. Ҳар бир кундан завқланяпман", - дейди Бензема.

34 ёшли француз "Реал" таркибида 407та ўйинда майдонга тушиб, 212та гол урди. Унинг Мадрид клуби билан шартномаси 2023 йилнинг 30 июнига қадар мўлжалланган.