"Барселона"га қарши ўйинда ғалаба калити шиддатлиликда эмас" — Анчелотти

"Барча совринлар муҳим, улар ишонч бағишлайди ва яхши атмофера яратади. Биз кубок учун ўйнаяпмиз ва уни ютиш учун ҳаракат қиляпмиз. Айни пайтдаги ҳолатимизни баҳолай оламиз. Жамоада мотивация бор, босимга ўрганиб қолганмиз. Бизга бу қулай, чунки ўзимизга ишонамиз.

"Барселона"га қарши ўйинда шиддат яхши усул бўла оладими ёки йўқ, буни билмайман. Тўлиқ ўйин кўрсатиб, босимдан муваффақиятли чиқиб олиш лозим. Барчаси турли омилларга боғлиқ, шиддат ғалаба калити эмас. Биз бутун ўйинни юқори савияда ўтказишимиз керак", – деди "қироллик клуби" устози.

Испания Суперкубоги финал баҳси 16 январь куни 00:00 да Саудия Арабистонидаги "King Fahd" ўйингоҳида бўлиб ўтади.