Latest news

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  1 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак" News

Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"

Суперлига 30-туридан ўрин олган "Қизилқум" - "Шўртан" (3:3) учрашувидан сўнг ғузорликлар бош мураббийи Асрор Алиқулов матбуот анжуманида иштирок этди.

- Ўйин ҳақида фикрингиз?

- Биринчи навбатда голларга бой ўйин кўрдик. Ўйлайманки, мухлисларга жуда ёқди. Биринчи бўлимда кўпроқ ҳимояга эътибор қаратдик, иккинчи таймда эса ҳужумга урғу бериб ғалаба қозонишни хоҳладик. Аммо охирги дақиқаларда гол ўтказиб ғалабани бой бериб қўйдик.

- Ўйин давомида кўрдикки, "Шўртан" ҳар қандай вазиятдан чиқиб кета олишини кўрсатди. Қийин ҳолатда ҳисобни тенглаштирди, кейин ҳисобда олдинга чиқиб олди ва охирида яна гол ўтказиб, аммо ютқазмади. Шу пайт ичингиздан нималар ўтди?

- Футболчиларга ҳар доим оддий хатога йўл қўймасликни уқтирамиз. Кераксиз жойда қоида бузмасликни доим айтамиз. Афсуски, бугун шу каби хатолар сабаб ғалаба қозона олмадик.

- Бугун ўзбек футболида янги тарих яратилди. Яъни илк бор Суперлига баҳсини аёл ҳакамлар бошқариб борди. Бу борада фикрингиз?

- Илиқ фикрдаман. Барибир хаёлдан аёл ҳакамлар бошқарса хато кўп бўлади, ваҳимага тушиб қолиш ҳолати кузатилса керак деган фикр ўтади. Лекин ўйинда кўрдикки, ҳакамлар яхши ишлашди. Тўғри, қайсидир ҳолатда хато бўлган бўлиши мумкин, лекин умуман олганда аёл ҳакамларимиз учрашувни яхши бошқаришди.

- Мана мавсум ҳам тугади. Эндиги режалар қандай?

- Афсуски, Пролигага тушиб кетдик ва жамоани яна Суперлигага қайтаришимиз керак. Клубимиз раҳбарияти клуб учун астойдил меҳнат қилмоқда. Мен ҳам жамоада қолиб "Шўртан" учун бор кучимни бериб ишлашда давом этаман. "Шўртан" Суперлига даражасидаги жамоа, келаси йил яна қайтишимиз керак.

- "Шўртан"ни қабул қилишга нима туртки берганди, ваҳоланки жамоа охирги ўринда эди?

- Ҳар бир мураббий жамоани кўтариш мақсадида иш бошлайди. Мен ҳам шу мақсадда келганман. Энг муҳими, қўлни туширмаслигимиз керак эди. Менимча, охиригача курашдик деб ўйлайман. Ярим мавсумдан бери жамоа билан биргаман ва бир-биримизни анча яхши тушуниб олдик.



Rating:    

Comments

+1   
29 nov 22:03:47
Farhod Uktamovich
Кеч уйгонди да Шуртан, келаси мавсум про-лига голиби булиб, келгуси йил супер- лигада кутиб коламиз, Шуртан супер лига клуби аслида
championat.asia
< show latest news
Яндекс.Метрика