Latest news

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  7 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Камолиддин Тожиев: "Жамоадаги энг асосий нарса бу ички муҳит ҳисобланади" News

Камолиддин Тожиев: "Жамоадаги энг асосий нарса бу ички муҳит ҳисобланади"

Суперлига 30-туридан ўрин олган "Навбаҳор" - "Пахтакор" (1:1) учрашувидан сўнг тошкентликлар бош мураббийи Камолиддин Тожиев матбуот анжуманида иштирок этди.

- Ўйин ҳақида фикрингиз?

- Қийин баҳс кечишини билардик. "Навбаҳор" билан бу ерда ҳеч қачон осон бўлмаган. Таркибимизда жароҳат олганлар бор. Шу боис оптимал таркиб билан келдик дея олмайман. Аммо майдонга тушган футболчилар бор куч билан ҳаракат қилишди. Афсуски, Башар Ресан қизил карточка олиб майдонни тарк этди. Ўйинни охиригача тўлиқ ўтказганимизда балки ютиб кетишимиз ҳам мумкин эди.

- Ғалаба учун қайси фактор етишмади?

- Айтиб ўтганимдек, қизил карточка, жароҳат олган футболчилар... Лекин "Навбаҳор" ҳам кучли жамоа. Дуранг ўйнаб бир очкони қўлга киритдик ва мавсумни иккинчи ўринда якунладик. Бу ҳам яхши натижа.

- Жамоани қийин ҳолатда қабул қилиб олгансиз. Иккинчи даврада қўл остингиздагилар умуман бошқача ўйин намойиш этди, натижа ҳам яхши бўлди. Бунинг сабабларини нимада кўрасиз?

- Энг биринчи навбатда муҳитни яхшилашга ва футболчиларни бирлаштиришга ҳаракат қилдик. Чунки ҳар қандай жамоада энг асосий нарса бу ички муҳит ҳисобланади.

- Давралар оралиғидаги трансферлар қанчалик ўзини оқлади?

- Яхши трансферларни амалга оширдик. Ҳаммасидан қониқдик. Жамоамизга ким қўшилган бўлса, ҳамма қўлдан келганча ёрдам берди.

- Қишда Игорь Сергеев клубни тарк этиши мумкин экан.

- Биз ҳар доим Сергеевга умид қилганмиз. Унинг ўзи ҳам "Пахтакор"да қолишни хоҳлайди.

- Бобир Абдихолиқов негадир бугун майдонга тушмади?

- Қизил карточка сабаб режани ўзгартирдик. Аслида Бобирни майдонга туширишни мақсад қилгандик.

- Бу йилги мавсумдан қониқдингизми?

- Қониқдим десам бўлади. Кубокни қўлга киритдик, чемпионатни иккинчи ўринда якунладик. Бу аввало футболчиларнинг меҳнати, шу боис ҳаммага раҳмат айтаман. Келаси йил яна таркибни кучайтиришга ҳаракат қиламиз. Чунки Осиё чемпионлар Лигасида муносиб иштирок этишимиз лозим.

- "Пахтакор" бу мавсум чемпион "Нефтчи"ни ҳар иккала ўйинда мағлуб этди. Бироқ "Қўқон-1912", "Шўртан" клублари билан кутилмаганда дуранг ўйнади.

- Кучли жамоаларга қарши алоҳида тайёргарлик шарт эмас. Аммо сиз айтган рақибларга қарши ўйинда иштиёқ бироз панд берди деб ўйлайман.



Rating: +2   

Comments

+1   
29 nov 21:13:20
Бахтиёр Ашуров
Барчаси учун раҳмат!
   
29 nov 22:07:44
Farhod Uktamovich
Узр, минг узур ,уша португалиялик сутакдан 1000 бор Зур Камолиддин, молодец
championat.asia
< show latest news
Яндекс.Метрика