Latest news

10:34ЎзПФЛ "йил футболчиси" учун номзодларни 5 тагача қисқартирди  5 10:10Месси жаҳон рекордини янгилади  2 09:43Sofascore. Шомуродов ва Файзуллаев кечаги ажойиб ҳаракатлари учун неча баҳога лойиқ кўрилди?  3 09:18Сўнгги турларда Алиқуловни захирага "михлаб" қўйган мураббий истеъфога чиқди  0 09:15Виталий Левченко: "Танқид ва босимларни енгиб чемпион бўлдим"  2 08:52Нури Шаҳин: "Биз Аббосни жуда узоқ кутдик"  4 08:24"Башакшехир" устози Элдор Шомуродов ҳақида фикр билдирди  5 08:05МЛС. "Интер Майами" рақибини йирик ҳисобда мағлуб этди ва финалга йўл олди  5 07:37Бугун жорий мавсум Суперлига баҳсларига якун ясалади  0 03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  1 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0

Ашраф Ҳакими: "Рамазон ойида эрталабки машғулотлар бироз қийин бўлади" News

Ашраф Ҳакими: "Рамазон ойида эрталабки машғулотлар бироз қийин бўлади"

Ашраф Ҳакими Твиттер ижтимоий тармоғида мухлислар саволларига жавоб берди.

Эътиборингизга Твиттер тармоғида ёш футболчи ва мухлислар ўртасидаги мулоқотни тақдим этамиз.

- Сизнингча Жаҳон Чемпионати фаворити?
- Жаҳон чемпионатида кучли терма жамоалар жуда кўп, қайсидир бирини ажратиб кўрсатиш мушкул. Марокко - фаворит эмас, аммо биз бор кучимиз билан ҳаракат қиламиз.

- Нима деб ўйлайсиз, 13-Кубокни юта оламизми?
- Киевга энг яхши спорт формасида етиб бориш ва мухлисларга қувонч хадя этиш учун биз ҳар куни чин дилдан меҳнат қиляпмиз. Улар бунга ҳақли.

- Криштиануга бир сўз билан таъриф беринг.
- Йиртқич.

- Болаликдаги орзуингиз?
- Она юртим терма жамоаси сафида майдонга тушиш ва "Реал Мадрид"да ўйнаш.

- Кот-д'Ивуарга қарши ўйин якунлангани ҳақидаги ҳуштак чалинганда нималарни ҳис қилдингиз?
- Жаҳон Чемпионатига чиққанимизга, буни уддалаганимизга ишона олмасдим. Ўша вақтдаги ҳиссиётларни сўз билан таърифлаб бўлмайди. Бу ажойиб эди. Юртдошларинг, бутун мамлакатни бахтли қилганингни сезиш жуда ёқимли.

- Модричга бир сўз билан таъриф беринг.
- Мия.

- Дунёнинг энг яхши ўнг қанот ҳимоячиси билан бирга, бир нуқтада ўйнаш қандай? Ундан нималарни ўрганишингиз мумкин деб ўйлайсиз?
- Мен ҳар куни у каби футболчи билан елкама-елка шуғуллана олишимдан фахрланаман. Карвахаль - мен учун ўрнак.

- Зиданга бир сўз билан таъриф беринг.
- Элегант инсон.

- Агар Чемпионлар Лигаси финалида зафар қучсангиз, ғалабани қаерда нишонлайсиз?
- Сибелесда, йигитлар билан бирга.

- Қаторасига учинчи, умумий ҳисобда эса 13-кубокни қўлга киритиш, қанчалик ҳақиқатга яқин?
- Бу ажойиб, шу билан бирга жуда оғир ўйин бўлади. Узоқ давом этган мавсумнинг ўзига хос якуни. "Ливерпуль" ўз ўйини билан финалга ҳақли эканлигини исботлай олди, аммо биз ҳам қатор кучли жамоаларни енгиб ўтдик.

- "Реал" сафидаги дебют ўйини...
- Бу исталган футболчининг ҳаётидаги энг эсда қоларли вазиятлардан бири. Устига устак, бунинг ҳаммаси "Сантьяго Бернабеу"да содир бўлса! Фантастик!

- Зидан сизга айтган энг яхши маслаҳати?
- Ҳар бир машғулотдан кучим борича ишлаш ва ўзлигимни йўқотмаслик.  

- Шу палладаёқ "Олтин тўп"ни топшириш керак бўлса, у кимга насиб қиларди?
- Криштиану Роналду.

- Болаликдаги кумирингиз?
- Аввал ҳам, ҳозир ҳам бу Марсело.

- Севимли таомингиз?
- Кускус.

- Рамазон ойи яқинлашмоқда. Рўза тутасизми? Бу машғулотлар вақтида қийинчилик туғдирмайдими?
- Албатта, ҳа. Бироз қийинроқ. Айниқса, эрталабки машғулотларда. Чанқаганингизда сув ича олмайсиз.

- Роналдунинг "Ювентус" дарвозасига урган голига бир сўз билан таъриф беринг.
- Ақлбовар қилмас.

- Жаҳон Чемпионатида плей-оффга йўл олиш, сиз учун...
- Унутилмас воқеа бўларди ва бу биз учун асосий мақсад. Гуруҳимизда кучли рақиблар бор эканлигини биламиз, айниқса Португалия ва Испания билан беллашувларни сабрсизлик билан кутяпман.


Омонжон Тўхтамирзаев таржимаси

Rating: +73   

Comments

championat.asia
< show latest news
Яндекс.Метрика