Андрей Шипилов: "Шогирдларимга "Пахтакор" футболчиларида ҳам иккита қўл ва иккита оёқ борлигини айтдим"

"Пахтакор" ўзи яратган вазиятлардан унумли фойдалана олди. Биз эса вазиятларни голга айлантира олмадик. Биринчи голда ҳеч нарса бўлгани йўқ, ҳаммаси оддий. Голдан кейин ҳам стандарт вазиятлардан тўп киритишимиз мумкин эди.

Навбатдаги учрашувга тайёрланишимиз учун бизда вақт кам. Тақвим тиғиз. Ишлашда давом этамиз. "Пахтакор"ни ғалаба билан табриклайман ва халқаро майдонда омад тилаб қоламан. Бошқа гап йўқ.

Шаҳбоз Убайдуллаевни бугун майдонга туширишни истамагандим. Терма жамоа ихтиёридан кичик жароҳат билан етиб келганди. "Пахтакор" билан ўйиннинг даражаси бошқа эди, у баҳсга киришиб кета олмади. Балки, бу менинг хатоимдир. Уни туширишим керак эмасди. Эътибор берган бўлсангиз фақат иккинчи бўлимда эмас, биринчи бўлимда ҳам бизда стандарт вазиятлардан гол уриш учун имконият юзага келди. Юқорида ҳам айтдим, яна қайтарман рақиб вазиятлардан фойдаланди биз эса йўқ. Бу нима билан боғлиқлигини билмайман. Руҳият билан боғлиқдир.

Футболчиларга рақибда ҳам иккита қўл ва иккита оёқ борлигини айтдим. Рақиб ўз ўйинини намойиш этди. Агарда зарбаларни бири голга айлантирганимизда бошқача бўларди. Акбар Исматуллаев ҳақида учта тур олдин матбуот анжуманида гапиргандим. Бу ҳақида яна бир бор такрорлашни истамайман",- дейди Шипилов.