Анчелотти "Жирона"га қарши ўйинда Бенземанинг хизматларидан фойдаланмоқчи эмас
27 oct 2022 18:40
News

Анчелотти "Жирона"га қарши ўйинда Бенземанинг хизматларидан фойдаланмоқчи эмас

"Реал" бош мураббийи Карло Анчелотти "Жирона"га қарши ўйинда ҳужумчи Карим Бенземанинг соғлиғини хавф остига қўйишни хоҳламаяпти.

"Marca" хабарига кўра, франциялик футболчи Испания чемпионатининг навбатдаги турини ўтказиб юбориши мумкин.

Эслатиб ўтамиз, бир ҳафта муқаддам Бензема машғулотларда жароҳат олган ва шу сабаб "Реал"нинг сўнгги икки ўйини – "Севилья" ва "Лейпциг"га қарши ўйинини ўтказиб юборган эди. Ҳозир бош мураббий Карло Анчелотти жароҳатини оғирлаштирмаслик учун футболчини муддатидан олдин майдонга қайтаришни истамаяпти.

Бензема жорий мавсум чемпионатда 5 та гол урди. Бир ҳафта олдин футболчи фаолиятидаги илк "Олтин тўп"ини олганди.

"Реал" – "Жирона" баҳси 30 октябрь куни 20:15 да старт олади.

Link :

Source : Marca

Receive latest football news directly on your phone. Subscribe for our Telegram channel!

Rating: +2