Алишер Салимов: "Хоҳ ОКМК бўлсин, хоҳ "Насаф", ғалаба учун майдонга тушамиз"
03 may 10:46
News

Алишер Салимов: "Хоҳ ОКМК бўлсин, хоҳ "Насаф", ғалаба учун майдонга тушамиз"

Суперлиганинг 8-туридан ўрин олган "Бунёдкор" – "Қўқон-1912" (1:2) учрашувидан сўнг меҳмонлар ҳимоячиси Алишер Салимов ўз фикрлари билан ўртоқлашди.

"Яхши ўйин бўлди. Тўғри, биринчи бўлиб дарвозамиздан тўп олиб чиқдик, шунга қарамай, бўшашмадик, ғалабага ишонгандик. Тошкентга 3 очко илинжида ташриф буюргандик ва уддаладик.

Ўтказиб юборилган голда менинг ҳам айбим бор. Майдонда ҳаракат қилган футболчида хато учраши табиий ҳол. Шундай пайтда руҳий тушкунликка тушиб қолмаслиги керак. Жамоадошларимга раҳмат, улар голдан кейин далда бериб туришди. Уларнинг ёрдами билан руҳий босимни енгиб ўтдим.

Бу йилги жамоамиз кучли футболчилардан ташкил топган. Мақсадимиз – камида кучли бешликка кириш. Олдинда қийин ўйинлар кутиб турибди, бироқ рақибга қараб ўтирмаган ҳолда ҳар ўйинда ғалаба учун майдонга тушамиз. Хоҳ ОКМК бўлсин, ҳоҳ "Насаф", уч очко учун ҳаракат қиламиз", деди 25 ёшли футболчи.