Аббос Файзуллаев: "Осиё чемпионатида биринчи ўринни олишни мақсад қилганмиз"
27 may 2022 16:22
News

Аббос Файзуллаев: "Осиё чемпионатида биринчи ўринни олишни мақсад қилганмиз"

Ўзбекистон U-21 терма жамоасининг Тошкентдаги сўнгги йиғини давом этмоқда.

Вакилларимиз Осиё чемпионатидаги илк учрашувини 1 июнь куни Туркманистонга қарши ўтказади. Терма жамоамизнинг ҳозирлиги авж палласига кирган. Кўриниб турибдики барчаси кўнгилдагидек кетмоқда. Сўзимизга Аббос Файзуллаев ҳам қўшилган ҳолда ўзининг фикрларини билдириб ўтди.

"Турнир яқин. Тайёргарлик яхши бўляпти. Осиё чемпионатида биринчи ўринни олишни мақсад қилганмиз. Клубимга келсак, охирги ўйинларда кўп дуранг ўйнадик. Лекин сўнгги турда ғалаба қозонганимиздан сўнг кайфиятимиз кўтарилди. Ёшларга секин-аста имконият бериляпти. Қолгани мураббийларга боғлиқ. Икки ёш катталар билан ўйнаймиз? Биз ўз мухлисларимиз кўз ўнгида тўп тепамиз. Шу боис фақат максимал вазифани олдимизга қўямиз",- дейди Аббос Файзуллаев.