Златко Далич "Ал Айн" - "Ал Ҳилол" тўқнашувидан олдин интервью берди

Биринчи ўйин БААнинг Ал Айн шаҳрида кечади. Хорватиялик мураббий Златко Далич иккала клубда ҳам ишлаган. У 2013 йил "Ал Аҳли" билан Саудия шаҳзодаси Кубогида зафар қучган. Шунингдек, 2015 йил "Ал Айн" билан БАА чемпиони бўлган. Қолаверса, ўтган йил "Ал Айн"ни ОЧЛ финалига олиб чиққанди. 

- "Ал Айн" - "Ал Ҳилол" қарама-қаршилигида қайси футболчилар ўзини кўрсатади деб ўйлайсиз? 
- Иккала жамоада ҳам кучли футболчилар бор. Лекин жамоа сифатида ким зўр бўлса ўша ютади. 

- Сиз ўтган йил "Ал Айн" билан финалда иштирок этгансиз. Бу мавсум ушбу жуфтликдан кимдир финалга бориши мумкинми? 
- Ғарбий Осиё клублари учун финалга чиқиб кейин мағлуб бўлиш одат тусига кириб қолди. Охирги уч йилни ёдга олайлик, "Ал Ҳилол", "Ал Аҳли" ва "Ал Айн" клублари финалга чиқиб, лекин якунда Австралия, Хитой ва Жанубий Корея клубларига имкониятни бой беришди. 

- "Ал Ҳилол" дастлабки баҳсни сафарда ўтказади. Нима деб ўйлайсиз, жамоа сафарда қандай ўйнаши керак? 
- Плей-офф учрашувларида сафардаги баҳс жуда муҳим аҳамият касб этади. Бунда ҳеч бўлмаса битта гол уриб олиш талаб этилади. Агар "Ал Аҳли" бунинг уддасидан чиқса, жавоб учрашувида осон бўлади. 

- Имкониятлар борасида қандай фикрдасиз? 
- "Ал Айн" ўтган йил, "Ал Ҳилол" эса уч йил олдин финалда ўйнаган. Иккала жамоа ҳам кучли. Имкониятлар ҳақида 50/50 дея оламан. Фақат муаммо шундаки, иккала давлатда ҳам миллий чемпионат энди бошланади ва жамоалар ҳозир яхши ҳолатда эмас. Аммо уларда ОЧЛда ўйнаш бўйича тажриба етарли.