Зинедин Зидан “Реал”нинг навбатдаги “қоқилиши”дан сўнг нималар деди?

“Биринчи бўлим менга ёқмади. Иккинчи бўлим эса бироз яхши ўтди, биз мағлубиятдан чиқиб кета олдик. Бизнинг яхшироқ ўйнай олишимиз ҳақида ортиқча гапириш ярамайди. Таассуротлар жуда яхшимас, аммо ўта ёмон ҳам эмас. Негаки биз ҳисобни тенглаштирдик. “Леганес” эса ўз майдонида кўп ҳам гол ўтказмайди. Биз бу мавсумда ҳеч нарса ютиб бўлмаслигини биламиз. Шундай экан, олдинда 6 та ўйин қолди, уларда яхшироқ иштирок этиш лозим. Келаси мавсумда биз аниқ яхшироқ ўйнаймиз. Аммо биз буни ҳозирданоқ амалга оширишни истаймиз. Агар голларини ҳисобга олсак, Бензема яхши мавсум ўтказмоқда. Унинг голлари “Реал”га фойда келтирмоқда. У фантастик ўйинчи”,—дейди Зидан.