Зидан: “Бэйл билан ҳеч қачон орамизда муаммо бўлмаган”

“Шуни айтишим керакки, Гарет билан ўртамизда ҳеч қачон муаммо бўлмаган. Уни жамоадан кетишларига мени айбдор қилишларини менга ҳеч қандай таъсири йўқ. Чунки бу асл ҳақиқат эмас. Бэйлнинг “Реал” учун қандай ҳажмда иш бажарганлигига кўз юмиб бўлмайди. 

Гаретга барча яхши ниятларни билдираман. Мен у билан гаплашганим йўқ. У бу ерда амалга оширган иш таҳсинга лойиқ. Шубҳасиз у жамоа ўзининг иқтидорини намойиш этиб, жамоа билан кўплаб совринларга эга чиқди. Ҳаёт қонуни шунақа. Унинг ўтган мавсум жамоада қолганида ўзига хос сабаблар бор эди.

Унинг жамоадан кетиши менинг елкамдаги юкни ағдарадими? Йўқ, чунки мен у билан муносабатда ҳеч қачон муаммога дуч келмаганман. У турли сабаблар билан майдонга тушмади. Шу боис унинг жамоадан кетиши билан қандайдир оғир босимдан халос бўлдим демаган бўлардим”, дея Зиданнинг сўзларидан иқтибос келтирмоқда Marca.