Италиянинг "Ювентус" клуби Германиянинг "Бавария" жамоаси ҳимоячиси Ким Мин Жэга қизиқиш билдирмоқда, дея хабар берди "La Repubblica".
Хабар беришларича "кекса синьора" агар Глейсон Бремер ёзда жамоани тарк этса, 27 ёшли Кимнинг трансферини кўриб чиқади. Кореялик футболчи ўтган ёзда "Наполи"дан "Бавария"га ўтганидан кейин Германиядаги ҳаётга мослаша олмади.
Ким Мин Жэ жорий мавсум "Бавария" сафида 33 та ўйинда иштирок этиб, 1 та гол урди ва 1 та голли пас узатди.
