Ёшлар Швециядан олтин медаллар билан қайтишди

Дунёнинг 60 дан зиёд мамлакати жамоалари иштирок этган мусобақанинг гуруҳ босқичини муваффақиятли якунлаган ҳамюртларимиз ҳал қилувчи баҳсда мезбон – Швеция терма жамоасига қарши майдонга чиқишди. Учрашувда тўлиқ устунликка эришган жамоамиз рақибларини 5:0 ҳисобида мағлуб этиб, тарихда илк бор чемпионликни қўлга киритишди.

Кеча, 22 июль куни Швециядан қайтиб келган чемпион жамоамизни  Тошкент халқаро аэропортида Ўзбекистон Республикаси Спортни ривожлантириш вазирлиги, Тошкент вилояти Спортни ривожлантириш бош бошқармаси вакиллари ҳамда спортчиларнинг яқинлари томонидан тантанали кутиб олинди.

-Терма жамоа сафида  вилоятимизнинг  Оққўрғон туманидаги 78-сонли махсус мактаб-интернати тарбияланувчиларидан  Шуҳрат Жўраев, Дилшод Жўраев, Денис Никитин, Дилмурод Азимов ва мураббий Азамат Мўминов ҳам мазкур халқаро турнирда иштирок этиб, чемпионлар сафидан жой олишди,-дейди Тошкент вилояти Спортни ривожлантириш бош бошқармаси бошлиғи Рустам Бобоқулов. - Ушбу чемпион ёшларимиз кеча Оққурғон туманида ҳам муносиб кутиб олиниб, ҳокимлик томонидан қимматбаҳо эсдалик совғалари билан мукофотланишди. Мамлакатимиз байроғини халқаро аренада баланд кўтарган чемпионаларимизнинг ёрқин ғалабаси ёшларимизга ўзига хос ҳавас ва спортга бўлган иштиёқни ошишига хизмат қилиши табиий.

Илҳом РАҲМОНОВ тайёрлади