Япониялик Йосуке Кашиваги Осиё чемпионлар лигасининг "Энг яхши футболчиси"
26 ноя 2017 13:32
Янгиликлар

Япониялик Йосуке Кашиваги Осиё чемпионлар лигасининг "Энг яхши футболчиси"

Япония терма жамоаси ҳамда "Урава Редс" клуби ярим ҳимоячиси Йосуке Кашиваги бу йилги Осиё чемпионлар лигасининг "Энг яхши футболчиси" деб топилди.

Кеча Япониянинг Сайтама шаҳрида ўтказилган финалнинг иккинчи ўйинидан сўнг футболчи совринни ОФК президентидан қабул қилиб олди. Маълумки, бу йилги ОЧЛда "Урава Редс" иккала учрашув натижасига кўра "Ал Ҳилол"дан устун келди.

Йосуке Кашиваги совринни қўлга киритгач, ОАВ ходимларига қисқача ўз фикрини билдирди:

- "Ўзимни энг яхши деб ҳисоблайманми? Бир нарса дейиш қийин, чунки Осиёда кучли футболчилар кўп. Хусусан жамоамизда ҳам кучли ўйинчилар кўплаб топилади. Лекин мени лойиқ деб тан олишдими, демак ўз устимда янада кўпроқ ишлашим талаб этилади. Мен бу совринни "Урава Редс" мухлисларига бағишлайман".