Хосе Мария Лана: "Ўзбекистонни мағлуб эта олмаган бўлсак-да, шогирдларим кўрсатган ўйиндан мамнунман"
17 ноя 2023 15:34
Янгиликлар

Хосе Мария Лана: "Ўзбекистонни мағлуб эта олмаган бўлсак-да, шогирдларим кўрсатган ўйиндан мамнунман"

Испания U-17 терма жамоаси бош мураббийи Хосе Мария Лана Ўзбекистонга қарши ўйиндан кейинги фикрлари билан ўртоқлашди.

"Учрашувни яхши бошладик. Бироқ кейинчалик хатоларимиз эвазига гол ўтказиб юбордик. Бундай ўйинлар орқали камчиликларимизни ўрганамиз ва тажрибамизни ошириб борамиз. Футболчилар билан боғлиқ ҳеч қандай муаммо мавжуд эмас. Фақатгина улардан ўз устида қаттиқ меҳнат қилишда давом этишларини сўрайман. Гарчи уч очко қўлга кирита олмаган бўлсак-да, шогирдларим кўрсатган ўйиндан мамнунман. Кейинги босқичда кучлироқ рақиблар билан тўқнаш келишимиз мумкин. Йигитлар бундай ўйинлар орқали сабоқ олиши ва миллий терма жамоа даражасига етишгунга қадар ўз устида ишлашда давом этиши лозим", деди Лана.

Ҳавола :

Манба : championat.asia

Янгиликларни Телеграмда ўқинг!

Рейтинг: +3