Холанд – “Реал”нинг асосий трансфер нишони

“Боруссия Д” форварди Эрлинг Холанд ҳали ҳам “қироллик клуби” эътибор марказида турибди.

Манбага кўра, мадридликлар кўпдан бери 20 ёшли норвегияликни кузатиб келган, аммо пандемия сабаб келишув ўтган трансфер ойнасида амалга ошмай қолди. Бундан ташқари, “Реал” раҳбарияти ҳужумчининг нархини туширишга ҳам ҳаракат қилди, айни ҳолатда мадридликлар форвард учун 100 млн евро тўлашга тайёр эмас.

Холанд Бундеслига жорий мавсумида 3 ўйинда қатнашиб, 4+1 натижа кўрсатди. Шунингдек, Холанд якшанба куни Руминияга қарши ўтган учрашувда (4:0) Норвегия терма жамоаси сафида илк хет-трригини қайд этди.