Хиддинк: “Фаолиятимда бир марта келишилган ўйин ҳақида ўйлаб қолганман”
10 май 2020 08:26
Янгиликлар

Хиддинк: “Фаолиятимда бир марта келишилган ўйин ҳақида ўйлаб қолганман”

Голландиялик таниқли мутахассис Гуус Хиддинк фаолияти давомида фақат бир ҳолатда футболнинг ҳалоллигига шубҳа билан қараган.

2008/2009 йилги Чемпионлар лигаси баҳслари ярим финалида Хиддинк бошқарувидаги “Челси” ўз майдонида “Барселона” билан куч синашган. Учрашув мобанийди бош ҳакам Том Хеннинг Эверебе бир қатор баҳсли вазиятларда каталонияликлар фойдасига қарор чиқарган. Норвегиялик ҳакам камида икки марта “Барселона” дарвозасига пеналти белгилаши мумкин бўлган ҳолатда ҳуштак чалишни лозим топмаган. Ўша беллашув футбол тарихига энг мунозарали баҳс сифатида кирган ва лондонликлар устози Гуус Хиддинк ўз фаолияти давомида илк марта футболнинг ҳалоллигига шубҳа билан қараган.

“Ҳакам мени ҳайратга солганди. У бунгача кўп ўйинларни маҳорат билан бошқариб келаётганди. Бу мен кўрган ўйинлар орасида энг ёмон ҳакамлик бўлганми? Ўйлашимча, ҳа. Бу ўйиндан кейин мен фаолиятимда илк бор мазкур ўйин келишилган бўлиши мумкинлиги ҳақида ўйлаб қолганман”, дея Хиддинкнинг сўзларидан иқтибос келтирмоқда TalkSport.

Ушбу беллашув якунига кўра, “Барселона” 93-дақиқада гол киритиб, турнир финалига йўлланма олган ва финалда “Манчестер Юнайтед”ни таслим этиб, бош совринни қўлга киритган эди.

Ҳавола :

Манба : talkSport

Янгиликларни Телеграмда ўқинг!

Рейтинг: +15