"ВАРга кўп вақт сарфланиши ўйин темпига таъсир қилади. Ҳакам майдонда сезилмаслиги керак" — Суперлига мураббийларидан 14-тур иқтибослари

— Ўзбекистонда ўзимни уйимдагидек ҳис қиляпман. Тожикистон ва Ўзбекистон бир хил мамлакат, ҳеч қандай фарқ йўқ. Маданиятимиз, менталитетимиз ўхшаш. Мен меҳмонда эмас, ўз уйимдаман. (с) Виталий Левченко "Нефтчи" бош мураббийи

— ВАРга кўп вақт сарфланиши ўйин темпига таъсир қилади. Ҳакам майдонда сезилмаслиги керак. Тезлик тушиб кетмаслиги лозим. Акс ҳолда, мухлислар ҳам зерикиб қолишади. (с) Максим Шацких "Пахтакор" бош мураббийи 

— Прожекторларни ўчиришди. Бу ҳам футболчиларни ритмдан чиқариб юборди. Шунча йил "Пахтакор"да ишлаган бўлсам, чироқлар ўчирилмаганди. Бу ҳам "Пахтакор"га ёрдам берди. (с) Андрей Шипилов "Динамо" бош мураббийи

— Биз янги футболчилар олиб келишни истагандик, бироқ раҳбарият бунга рухсат бермади. (с) Никола Лазаревич "Қизилқум" бош мураббийи

— Маркетинг тадқиқотлари шуни кўрсатдики, "Навбаҳор" ҳозирги кунда энг кўп тилга олинадиган ва мухлислар ўртасида энг кўп қизиқишга сабаб бўлаётган клубдир. Стадионга ташриф бўйича ҳам, ойнаи жаҳон орқали ҳам айнан "Навбаҳор" юқоридаги кўрсаткичлар бўйича етакчи. (с) Самвел Бабаян "Навбаҳор" бош мураббийи

 "Қўқон-1912" бош мураббийи Даврон Файзиев журналистларнинг ёзги трансферлар ҳақидаги саволига: 

— Очиғи, бу саволни кутгандим. Лекин, келинг бу саволни очиқ қолдирайлик.