Вадим Абрамов: "Динамо"да қолиш-қолмаслигимни клуб раҳбарияти ҳал қилади"

- Ўйин ҳақида

- Яхши ўйин ўтказдик. Биринчи бўлимда юзага келган имкониятларимиздан фойдаландик. Иккинчи бўлимни ҳам яхши бошладик. Бироқ бўлим ўрталарига келиб ўйинимиз бироз сусайди. Бундан мезбонлар унумли фойдаланиб, пенальтидан гол уриб кетишди. Умумий айтганда, сифатли футбол намойиш этдик.

- Нима учун "Динамо" мавсум охирига келиб уйғонди?

- Бизда оптимал таркиб бўлмаётганди. Четлатишлар, жароҳатлар тўлиқ таркиб билан ўйнашимизга халал берди. Ҳатто марказий ҳимояда битта номинал ҳимоячи билан ҳам ўйнадик. Бугун бизда тўлиқ таркиб майдонга тушди ва натижа ҳам шунга мос бўлди.

- Жамоа Про лигага тушиб кетди. Сиз "Динамо"да қоласизми?

- Буни мен ҳал қилмайман. Клуб раҳбарияти қандай қарорга келишига боғлиқ.

- Агар ўзингизга қолса-чи?

- Айтиб ўтдим, барчасини клуб раҳбарияти ҳал қилади. Ҳозир мен бу борада ҳеч нарса дея олмайман.