"УзРепорт ТВ" телеканалидаги футбол ўйинларининг икки тилдаги шарҳларини энди UzDigital TV орқали ҳам кўриш мумкин

Ушбу имконият сунъий йўлдош антенналари эгалари (спутник – Ямал 401, 90° шимолий нур Ку диапазон, қабул қилиш частотаси – 11,505705 GGz) ва “Ўзбектелеком” АК “Телеком ТВ” IPTV хизмати фойдаланувчилари учун мавжуд эди. "УЗРEПОРТ ТВ" телеканали бу имкониятни босқичма-босқич кенгайтириш борасида иш олиб бормоқда.

Шу йилнинг 2-июлидан бошлаб UzDigital TV платформасида ҳам футбол учрашувларини бир вақтнинг ўзида икки тилда томоша қилиш имконияти яратилди. Эндиликда УзДигитал ТВ абонентлари ҳам УЗРEПОРТ ТВ телеканали орқали Евро-2016 учрашувлари шарҳини ўзлари истаган тилни танлаган ҳолда томоша қилишлари мумкин. 

Бундай имконият UzDigital TV ҳамда УЗРEПОРТ ТВ телеканали мутахассисларининг ўзаро ҳамкорликдаги меҳнатлари эвазига юзага келди.

Эслатиб ўтамиз, Евро-2016 учрашувларини ўзбек тилида Даврон Файзиев, Санжар Ризаев Ёқубжон Бобожонов, ҳамда таниқли ва истеъдодли актёр, маълум муддат профессионал футболчи сифатида ҳам тўп сурган Алишер Узоқов шарҳлаб боришмоқда.

Рус тилида эса футбол учрашувларини “МАТЧ ТВ” телеканалининг машҳур шарҳловчиси Александр Елагин шарҳлаб бормоқда.