Умид Қодиров: “Пахтакор” билан ўйинда фақат ғалаба учун ўйнаймиз”

- Бу баҳс “Пахтакор”га қарши ўйинга тайёргарлик вазифани ўтаб берди, - деб гап бошлади Қодиров. – Очиғи, “Насаф” билан ўйинда йўқотадиган нарсамиз қолмаганди. Шунинг учун “Насаф”дек жамоага қарши ҳужумкор ўйин намойиш этишга қарор қилдик. Маълум миқдорда мақсадимизга эришдик деб ўйлайман. Сафарда ўйнайдиган жамоа кўпинча ҳимояга эътибор қаратади. Бу табиий ҳол. Лекин биз ҳимоявий ўйинни истамадик. “Обод” билан ўйинда жуда катта босим остида ҳаракат қилгандик. Бундай ҳолатда ўз ўйинингни намойиш этиш ҳам мушкул. Энди бизни “Пахтакор”га қарши жиддий ўйин кутяпти. Ҳозир Ўзбекистонда исталган жамоа билан ўйнаса бўлади.  Мавсум  бошидан “Пахтакор” жамоасининг кўплаб ўйинларини кузатиб келяпмиз. Насиб қилса, Тошкентдаги баҳсда ғалаба қозонишни ният қилганмиз. Чунки айни пайтда бизни ғалабадан бошқаси қониқтирмайди, - деди Қодиров.

“Нефтчи” матбуот хизмати