Улуғбек Бакаев: "Вазиятлардан фойдалана олмаслик мағлубиятга сабаб бўлди"
13 июн 23:01
Янгиликлар

Улуғбек Бакаев: "Вазиятлардан фойдалана олмаслик мағлубиятга сабаб бўлди"

Про лиганинг 12-туридан ўрин олган "Машъал" - "Бухоро" (1:0) учрашувидан сўнг меҳмонлар бош мураббийи Улуғбек Бакаев матбуот анжуманида иштирок этди.

- Ўйин ҳақида...

- Оғир ўйин ўтказдик. "Машъал" жамоасини ғалаба билан табриклайман. Биринчи бўлимда ўйинимиз унчалик чиқмади. Иккинчи бўлимда ҳужумкорликни оширдик. Имкониятларимиз бўлди, фойдалана олмадик. Бугунги мағлубиятга сабаб бўлган ягона жиҳат шу, вазиятларни голга айлантира олмаслик.

- Легионерлар кўрсатган ўйиндан қониқиш ҳосил қилдингизми?

- Бу футбол, унда ғалаба ҳам, мағлубият ҳам бўлади. Олдинда мавсумнинг узун қисми бизни кутиб турибди. Ҳар ким учун ўзини кўрсатишга етарлича вақтимиз бўлади.

- Захирадан қўшилган футболчилар ўзини оқладими?

- Мағлубият бўлганда, ҳаммада ўхшамагандек кўринаверади. Захирадан қўшилганлар ёмон ўйин кўрсатишди, деб ҳисобламайман.

Ҳавола :

Манба : championat.asia

Янгиликларни Телеграмда ўқинг!

Рейтинг: +2