U-20 ЖЧ. Нигерия сардори мавжуд бўлмаган клуб аъзоси сифатида ФИФА рўйхатидан ўтган

"Бамейи "Юм-Юм" ФК клуби аъзосида сифатида рўйхатдан ўтган. Бироқ бундай клуб мавжуд эмаслиги ҳақида маълмуотлар бор", деб ёзган америкалик журналист Брайан Скиретта.

Ўнг қанот ҳимоячиси Доминикан Республикаси (2:1) ва Италия (2:0)га қарши ўйинларда майдонга тушган. Африкаликлар гуруҳдаги охирги учрашувини Бразилияга қарши ўтказади.

Own Goal Nigeria хабарига кўра, 17 ёшли ўйинчи ўз федерацияси томонидан Нигериянинг "Юм-Юм" клуби футболчиси сифатида рўйхатдан ўтказилган. Суриштирувларга кўра, ушбу клубни Абужада деб айтишган, аммо ушбу шаҳарда ҳеч қанақасига бундай клуб мавжуд эмаслиги маълум бўлган.

Эслатиб ўтамиз, африкликлар айни дамда ўз гуруҳида 6 очко билан пешқадам бўлиб турибди. Агарда жамоа охирги турда ютқазмаса, 1-ўрин билан 1/8 финалга йўл олади. Ушбу босқичда ҳам ғалаба қозонган тақдирда чорак финалда Ўзбекистон ёшлар терма жамоаси билан тўқнаш келиши мумкин.