Бу ҳақида клуб спорт директори Роланд Виркус хабар берди.
"Биз Маркус Тюрам билан келиша олмадик. Тақдирга тан бериш керак, сабаби Маркуснинг олдида катта клублардан вариантлар мавжуд.
У эркин агент сифатида жамоани тарк этаётганини ижобий ҳолат деб бўлмайди. Мен буни қанчалик истасам ҳам бошқача қилиб кўрсата олмайман", – деди Виркус.
Тюрам "Боруссия"га 2019 йил "Генгам"дан ўтган. Унинг "Гладбах" билан шартномаси 2023 йилгача мўлжалланган.
Аввалроқ Тюрамга "Барселона", "Атлетико", ПСЖ, "Челси", "Интер", "Манчестер Юнайтед" ва "Бавария" сингари клублар қизиқиш билдираётгани айтилганди.
Бу мавсум ҳужумчи барча мусобақаларда 22 ўйинда 14 та гол ва 4 та голли узатма етказиб берди.
