Туркманистон бош мураббийи Мерген Оразов: "Бугун гол уришга лойиқ эдик"
14 июн 2023 23:42
Янгиликлар

Туркманистон бош мураббийи Мерген Оразов: "Бугун гол уришга лойиқ эдик"

Теглар : Мерген Оразов "CAFA Nation's Cup-2023"

"CAFA Nation's Cup-2023" мусобақаси доирасидаги Туркманистон – Ўзбекистон учрашувидан сўнг Туркманистон бош мураббийи Мерген Оразов учрашув ҳақидаги фикрлари билан ўртоқлашди.

- Бугунги учрашув ҳақидаги фикрларингиз?

- Биринчи навбатда мусобақа ташкилотчиларига раҳмат айтаман. Тажрибамиз ортиб бормоқда. Ўйиндан кўнглим тўлди, йигитлар борини бериб ўйнашди. Тўғри ҳатолар ҳам бўлди, лекин бугунги учрашув учун йигитлардан миннатдорман.

- Туркманистон терма жамоаси бугунги учрашувда гол уришга лойиқмиди, сабаби бугун кўп ҳавфли вазиятлар яратдингиз?

- Ҳа, менинг фикримча бугун гол уришга лойиқ эдик. Ўзбекистон терма жамоаси анча кучли, шу сабаб бизга бироз қийин бўлди, лекин шунга қарамай, биз бугун ҳеч бўлмаса битта гол уришимиз керак эди.

- Биринчи учрашувда Туркманистон сифатли ўйин кўрсатди. Бугунги учрашувда ҳам биринчи бўлимда анча яхши ҳаракат қилдингиз. Иккинчи таймда гол ўтказиб юборилганидан сўнг, жамоангиз ҳужумга ўтди ва катта потенциалга эга эканлигини кўрсатди. Шу ҳақида фикрларингиз?

- Биринчи ўйинга қараганда кўп ўзгаришларга қўл урдик. Биринчи таймда кам ҳужум қилдик ва кўпроқ ҳимояландик. Иккинчи таймда эса ҳужум қилишга мажбур бўлдик. Потенциалимиз албатта юқори. 2023 йилда эндигина иккинчи йиғинни ўтказмоқдамиз ва йигитлар бир бирига энди кўникишни бошламоқда.

Ҳавола :

Манба : championat.asia

Янгиликларни Телеграмда ўқинг!

Рейтинг: +4