UZ

Сўнгги янгиликлар

03:19Эрон Про лигаси. "Трактор" ўз уйида ғалабага эришди, Ҳамробеков бир бўлим ҳаракат қилди  0 03:10А Серия. "Ювентус" "Кальяри"ни, "Милан" "Лацио"ни мағлуб этди  2 03:03Саудия Арабистони Қирол кубоги. "Ал Ҳилол" ва "Ал Иттиҳод" ўз рақибларини йирик ҳисобда мағлуб этди  0 03:00АПЛ. "Тоттенхэм" Лондон дербисида "Фулхэм"га мағлуб бўлди  2 02:57Ла Лига. "Атлетико" ўз уйида Серлотнинг дубли эвазига "Реал Овьедо"ни қийинчиликсиз мағлуб этди  0 02:01Бундеслига. "Бавария" қийинчилик билан "Санкт-Паули"ни мағлуб этди, "Боруссия" эса меҳмонда "Байер"ни мағлуб этди  0 00:56Ўзбекистон U-18 қизлар терма жамоаси Эронни CAFA мусобақасида мағлуб этган ўйиндан ФОТОГАЛЕРЕЯ  2 00:45Суперлига. "Қизилқум" - "Шўртан" 3:3   0 00:07Туркия Суперлигаси. "Башакшехир" меҳмонда ғалабага эришди, Шомуродов ва Файзуллаев гол урди!  57 23:35Суперлига. "Навбаҳор" – "Пахтакор" 1:1  0 23:14Лига 1. "Монако" ўз уйида ПСЖни мағлуб этди  8 22:24Ла Лига. "Барселона" "Камп Ноу"да "Алавес"ни мағлуб этди  49 22:05АПЛ. "Манчестер Сити" 90+1 дақиқада Фоден томонидан урилган гол эвазига "Лидс"ни мағлуб этди, Ҳусанов захирада қолдирилди  18 21:49Акмал Рустамов: "Келаси йил кучлилар орасида бўлишни хоҳлаймиз"  1 21:19Асрор Алиқулов: "Шўртан" Суперлига даражасидаги жамоа, келаси йил яна қайтишимиз керак"  1

Трапаттонидан қиёс. Ёпиқ машғулот ўтказишдан мақсад нима? Янгиликлар

Трапаттонидан қиёс. Ёпиқ машғулот ўтказишдан мақсад нима?

Яна бир мавзу муҳокамаси.

Кунлардан бир куни "Милан"нинг ўша вақтдаги бош мураббийи Жованни Трапаттонига савол беришади. Нима учун сиз машғулотларни ёпиқ тарзда ўтказмайсиз? Ахир рақиб томон келиб сизнинг ўйинингизни, футболчиларнинг ҳаракатларини ўрганиб кетиши мумкин-ку? Шу паллада зукко Трапаттони жуда ажойиб тарзда жавоб қайтаради: "Келиб истаганича ўрганиши, кузатиши мумкин. Лекин уларда мен каби маҳоратли ижрочилар йўқ. Шундай экан мен бундан хавотир олмайман",- деган эди италиялик мутахассис. 

Нима учун бу воқеани эсладим, ҳозирги кунга келиб клубларимиз, айрим ҳолларда терма жамоамиз машғулотларини ёпиқ тарзда ўтказишга келишиб олишади. Бундан мақсад нима? Бугунги интернет ривожланган ошкоралик замонда бундан қандай фойда топиш мумкин? Майли биз ОАВ, лекин клуб матбуот хизматига ҳам буни таъқиқлаш мумкинми?

1. Янги футболчиларни оммадан беркитиш 

Одатда давралар оралиғидаги клублар ўз таркибларини кучайтириш, янги футболчи олиш пайига тушишади, десак муболаға бўлмайди. Гарчи уларнинг ҳаммаси ҳам якунда жамоада қолмасада, маълум вақт машғулот ўтказишади, холос. Мураббийлар эса бу масалада сукут сақлашлари турган гап. Ким қолади, кимлар кўрикда мавҳумлиги боис машғулотлар ёпиқ ўтилади. Жиззахнинг "Сўғдиёна" клуби матбуот хизмати 4 январь куни жамоанинг йиғини ёпиқ олиб борилишини ёзди. Испанияликлар қўл остида йиғинга киришган "Сурхон" матбуот хизмати ҳам сукутда. Сайтимиз орқали термизликларнинг машғулоти, янги мураббий ва футболчилар ҳақида маълумот бердик. Ўша куни жамоанинг илк машғулоти берк эшиклар ортида кечди. 

2. Клуб имижи

Танқиддан бироз чекинган ҳолда, мазкур ҳолатни тўғри тушуниш ҳам мумкин. Дейлик қишки йиғинлар чоғида "Локомотив" клуби янги футболчиларнинг кийими турлича эканлигини, суратларда бу ҳолат хунук кўринишини билдирди ва биз ўрнида қабул қилдик. Ушбу ҳолатда машғулотни ёпиқ қилишдан мақсад - клуб имижи.

3. Янги услуб ва тактикани кўздан кечириб олиш 

Ўзбекистон миллий терма жамоасида шундай вазиятга дуч келганмиз. Эсингизда бўлса, Самвел Бабаян ЖЧ-2018 саралаш босқичининг сўнгги икки туридан олдин Тошкентда Қирғизистон билан ўртоқлик ўйини ташкил қилинади. Унга эса ҳеч ким киритилмайди. Орадан бир неча йил ўтиб Вадим Абрамовда ҳам такрорланди. Саудия Арабистони билан ўйиндан аввал Қирғизистонга қарши баҳс жонли эфирда кетмаслиги, ёпиқ ўтиши маълум қилинди. Бироқ кейинчалик эътирозлар ва талабдан келиб чиқиб очиқ ўтказилди. Ўтган йилнинг май ойида Туркманистон билан назорат беллашуви ОАВ ва мухлисларсиз ташкиллаштирилди. 

Албатта ҳар бир мураббийнинг ўз қарашлари бор. Унинг ишига аралашишга ҳаққимиз йўқ. Чунки натижага бевосита жавобгар шахс айнан бош мураббийдир. Аммо бугунги кун нуқтаи назаридан келиб чиқсак, атрофдан маълумот олиш осон бўлиб қолган даврда кун кечирмоқдамиз. 

Қадрли мухлис сиз қандай фикрдасиз?

Муаллиф : Iskandarov Abdulaziz
Рейтинг: -3   

Фикрлар

championat.asia
< сўнгги янгиликларни кўриш
Яндекс.Метрика