Трансферлар: "Хоразм" футболчиси "Навбаҳор"га ўтди, Табатадзе "Нефтчи"га қайтди
09 дек 2024 23:54
Янгиликлар
Трансферлар: "Хоразм" футболчиси "Навбаҳор"га ўтди, Табатадзе "Нефтчи"га қайтди
Суперлигада мавсум якунига етгач жамоалар трансфер ишларини бошлаб юборишди.
Сўнгги мавсум Пролигада "Хоразм" шарафини ҳимоя қилган 23 ёшли Шерзод Ғуломжонов "Навбаҳор" футболчисига айланди. "Лочинлар" уни лимитдан ташқари рўйхатдан ўтказди.
Жамоаси ("Локомотив") Пролигага тушиб кетган дарвозабон Абдумавлон Абдужалилов "Бунёдкор"га қайтди. У 2019 йилдан 2021 йилгача "қалдирғочлар" шарафини ҳимоя қилган эди.
Тома Табатадзе "Нефтчи"га қайтди. 2023 йилнинг бошида Фарғона клубига ўтган Табатадзе, ўша йили ёзда "Навбаҳор"га ўтиб кетган эди. Бир ярим йил ўтиб футболчи яна "Нефтчи" футболчисига айланди.
"Металлург" шарафини ҳимоя қилган Шаҳзодбек Убайдуллев "Навбаҳор"га ўтди. "Лочинлар" уни лимитдан ташқари рўйхатдан ўтказди.
Шоҳмалик Комилов эркин агент сифатида "Навбаҳор" сафини тўлдирди.
Сўнгги мавсум ижара асосида "Олимпик" сафида тўп тепган Эдем Неманов фаолиятини "Динамо"да давом эттиради. 21 ёшли футболчининг самарқандликлар билан келишуви келаси йилнинг ноябрида якунига етади.
Ўхшаш янгиликлар
championat.asia
ОЧЛ-2. "Андижон" Қатарда "Ал Аҳли"га ютқазди ва мусобақа билан хайрлашди
Элит ОЧЛ. "Насаф" "Ал Иттиҳод"га кичик ҳисобда ютқазиб, плей-оффга чиқиш имкониятини йўқотди
Breaking! Ўзбекистоннинг ЖЧдаги рақиби Португалия Эрон билан ўйнайди
"Барселона" собиқ президенти: "Бизда Месси, Хави ва Иньеста борлиги учун ғалаба қозонганмиз. Ёки Европада ҳам Негрейра ғалаба қозониб берганми?"
Фикрлар