Томас Тухель "Боруссия"дан кетиши мумкин

Бунга клуб ижрочи директори Ханс-Йоахим Ватцке ва президенти Райнхард Раубаллар ЕЧЛ 1/4 финал доирасидаги "Монако"га қарши ўйинни чоршанбага кўчиришгани сабаб бўлган. Эслатиб ўтамиз, сешанба куни дордмундликлар автобуси ёнида рўй берган портлаш натижасида жамоа ўйинга етиб кела олмаган ва ўйин эртасига кўчирилган эди. Хабар қилинишича, клуб раҳбарияти учрашувни кейинги кунга кўчириш борасидаги қарорни қабул қилган ва бунинг сабабини бош мураббийга изоҳламаган.

Эслатиб ўтамиз, "Боруссия" икки ўйин натижасига кўра, "монегасклар"га 3:6 ҳисобида имкониятни бой берди.