Ноябрь ойида Австралия Ливанга қарши ўртоқлик учрашуви ўтказади. Бу ўйин терма жамоада 107та учрашув ўтказган Кейхилл учун охирги баҳс бўлиб қолади. Сиднейдаги "Олимпия" стадионида бўлиб ўтадиган баҳс 20 ноябрга мўлжалланган.
Бу оддий ўртоқлик ўйини эмас, балки Кейхиллнинг терма жамоадаги хайрлашув учрашуви ҳам бўлади. Маълумот учун, Тим Кейхилл шу пайтгача Австралия терма жамоасида 50та гол урган. Шунингдек, тўртта жаҳон чемпионатида иштирок этган.
