Суперлига. "Сурхон" — "Насаф" учрашуви ҳақида 11 факт
11 ноя 2021 08:08
Янгиликлар

Суперлига. "Сурхон" — "Насаф" учрашуви ҳақида 11 факт

Бугун Термизда 19-турнинг қолдирилган учрашуви ўтказилади.

Сурхон

Нуриддин Ҳасанов - 58', Абдулазиз Юсупов - 64'

Суперлига. 19-тур

11/11/2021, 15:00

Тугади

Насаф

Андрия Калудерович - 38', Баҳром Абдураҳимов - 51'

45'

90'

Матч-центрда очиш

ОФК кубоги финалчиси иштирокидаги баҳс 15:00'да старт олади. Ҳозир мазкур ўйинга оид қизиқарли маълумотларни келтирмоқчимиз.

1."Насаф" Суперлигада август ойидан бери ютқазмаяпти.

2. "Аждарлар" сўнгги 6 ўйинда 2 та гол ўтказиб юборишди (12та урилган).

3. "Сурхон"нинг ҳужум чизиғи чемпионатдаги энг заифи ҳисобланади (23 ўйинда 13 гол).

4. Энг қизиғи, "Сурхон"нинг ҳимоя чизиғи ҳам Суперлигадаги энг кучсизи ҳисобланади. Термиз клуби 23 турда 38 та гол ўтказиб юборган.

5."Насаф" сўнгги 2 ўйинда "Сурхон" дарвозасига жавобсиз 11 та гол урди.

6. "Сурхон" қаршиликларга қарши ўтган 21 ўйиннинг фақат биттасида ғалаба қозониб, 4 гал дуранг ўйнаган.

7. "Аждарлар"нинг ҳисобида ўзаро тўқнашувлардаги 17 ғалаба бор.

8. "Сурхон" "Насаф"ни сўнгги бор енгганида (1999 йил) айни пайтда жамоа шарафини ҳимоя қилаётган Ўрол Чориев, Муҳаммад-Али Абдураҳмонов, Шарофиддин Собиров, Беҳрўз Шайдулов ва Жасур Ёқубов ҳали туғилмаган эди.

9. "Насаф" "Сурхон"га сўнгги бор очко берганида (2000 йил) айни пайтда "аждарлар" учун ўйнаётган Абубакрризо Турдиалиев, Ҳусайн Норчаев, Мурод Раҳматов, Абдувоҳид Неъматов, Шахзод Акромов ва Алибек Давронов ҳали туғилмаган эди.

10. Мазкур жамоалар ўртасидаги охирги 14 ўйиннинг барчасида Қарши шаҳри вакилининг қўли баланд келди.

11. "Сурхон" XXI асрда "Насаф"дан умуман очко ололмаган.