UZ

Сўнгги янгиликлар

01:55Лига 1. "Ренн" ПСЖдан Суперкубокдаги мағлубият учун реванш олди   7 01:00ЛаЛига. "Ванда Метрополитано"да 1-турнинг сўнгги ўйини бошланди (онлайн натижа)  0 00:50Бразилияда арилар туфайли чемпионат ўйини кеч бошланди  0 00:25ЛаЛига. Лопетегининг "Севилья" бошқарувидаги расмий дебюти омадли чиқди  4 00:05Спортчилар ижтимоий тармоқларда: диққат марказда яна қиличбоз Паола  8 00:03ЛаЛига. "Атлетико" – "Хетафе" ўйинининг асосий таркиблари маълум бўлди  10 23:30Расман: Балотелли А Серияга қайтди  5 23:15Лига 1. "Ренн" – ПСЖ баҳсининг бошланғич таркиблари эълон қилинди  6 22:50Балотелли “Фламенго" мухлисларига мурожаат этди  0 22:43"Челси" - "Лестер" 1:1  2 22:20АПЛ. "Челси" 2-турда ҳам ғалаба қозона олмади  24 22:15Санчес "Интер" сафида қачон тиббий кўрикдан ўтиши маълум бўлди   4 22:04"Бунёдкор" - "Металлург" ёхуд "Жар"га катта футбол қайтган ўйиндан ГАЛЕРЕЯ  3 21:54ПСЖ Неймар учун "Реал"нинг икки асосий футболчисини сўрамоқда  25 21:45Александр Хомяков: “Бугун мағлубиятга лойиқ эмасдик”  16

Суперлига ўйинида Фарғонада мезбонга айланаётган учинчи жамоа — "Андижон" "Пахтакор"ни меҳмон қилади (превью) Янгиликлар

Суперлига ўйинида Фарғонада мезбонга айланаётган учинчи жамоа — "Андижон" "Пахтакор"ни меҳмон қилади (превью)

Суперлиганинг 9-тур доирасида "Андижон" - "Пахтакор" учрашуви ўтказилади.

Турнир жадвали пешқадами "Пахтакор"ни меҳмон қиладиган "Андижон" Фарғонада мезбонга айланади.

Андижон

Суперлига. 9-тур

16/05/2019, 18:30

3
:
0
Тугади

Пахтакор

Драган Черан - 45', Марат Бикмаев - 81', Марат Бикмаев - 85'

45'
90'
42'  Шаҳзод Убайдуллаев
45'  Элдор Маматказин
59'  Абдуллоҳ Олимов (Аббос Отахонов)
64'  Радосав Алексич
74'  Абдурахмон Абдулхақов (Рўзимбой Аҳмедов)
79'  Шаҳзод Убайдуллаев (Шаҳбоз Жумабоев)
45'  Драган Черан
67'  Марко Симич
76'  Сардор Собирхўжаев (Владимир Козак)
78'  Достонбек Ҳамдамов (Марат Бикмаев)
81'  Марат Бикмаев
85'  Марат Бикмаев
90'  Одилжон Ҳамробеков (Фаррух Сайфиев)


Айни пайтда Ильдар Сакаев бошчилигидаги жамоа турнир жадвалида 7 очко тўплаган ҳолда 12-ўринда бормоқда. "Андижон" ҳозиргача ўтказилган 8 учрашувдан 1тасида ғалаба қозонган, 4 дуранг қайд этиб, 3 баҳсда мағлубиятга учраган.

Жамоа ўтказилган 8 учрашувда жами 7 гол уриб, ўз дарвозасидан 11 маротаба тўп олиб чиққан. Жорий мавсум "Андижон"  ўтказилган 8 учрашувларнинг фақатгина тўрттасида майдонни голсиз тарк этмаган. Қолган тўртала учрашувда эса "Андижон" рақиблар дарвозасини ишғол этишни уддалаган. Шунингдек, жамоа ўтказилган саккизта учрашувнинг фақатгина иккитасида ўз дарвозаси даҳлсизлигини қуруқ сақлашга муваффақ бўлган.

"Андижон" жамоасининг жорий мавсумдаги голларига Шаҳзод Убайдуллаев (3), Рўзимбой Аҳмедов (2), Ойбек Қиличев (1) ва Аброр Ҳусинов (1) муаллифлик қилишган.


"Пахтакор" эса ўтказилган 8 учрашувда 6 ғалаба ва 2 дуранг қайд этиб, турнир жадвалида 20 очко билан якка пешқадамлик қилмоқда. Шота Арвеладзе бошчилигидаги жамоа ўтган 8 турда рақиблари дарвозаси томон 15 маротаба йўл топиб, дарвозаларидан 7 бор тўп олиб чиққан. 

Қайд этиш керакки, айни пайтда чемпионатда "Пахтакор" ҳозирча ягона мағлуб бўлмаган жамоа ҳисобланади. Жамоа сафардаги ўйинларда ҳам 2 ғалаба ва 1 дуранг қайд этган.

"Пахтакор"нинг жорий мавсумдаги голларига Драган Черан (8), Жалолиддин Машарипов (2), Игорь Сергеев (1), Достон Ҳамдамов (1), Марат Бикмаев (1), Егор Кримец (1) ва Жавоҳир Сидиқов (1) муаллифлик қилишган.


Йўқотишлар: "Пахтакор" ярим ҳимоячилари Садриддин Абдуллаев ҳамда Жавоҳир Сидиқов жароҳатлари боис сафдан чиқишган ва бугунги баҳсда улар майдонга туша олишмайди. "Андижон" таркибида ҳам йўқотиш мавжуд. Жорий мавсумдан эътиборан "Пахтакор"дан ўтган тажрибали ярим ҳимоячи Дилшод Раҳматуллаев ҳам жароҳати туфайли мазкур ўйинда жамоасига ёрдам бера олмайди.


Ўзаро ўйинлардаги факт: 

Ўйинлар: 46

"Андижон" ғалабаси: 4

"Пахтакор" ғалабаси: 34

Дуранг: 8

Тўплар нисбати: 34-112

Қизиқ факт: Жорий мавсумда Суперлигада гарчи Фарғона шаҳри жамоаси иштирок этмаётган бўлсада, айнан мазкур шаҳардаги "Истиқлол" стадиони бешинчи маротаба чемпионат ўйинига мезбонлик қилади. Энг қизиғи, водийнинг учала жамоаси: "Навбаҳор" (2), "Қўқон-1912" (2) ва эндиликда "Андижон" бу ўйингоҳда мезбонлик қилади. Бунга қадар "Андижон" жорий мавсумда мазкур стадионда меҳмон сифатида ўйнашга улгурган ва "Қўқон-1912" билан дуранг қайд этилганди.

"Истиқлол" ўйингоҳидаги "Пахтакор" ўтказган сўнгги беллашувда жамоа Ўзбекистон Кубоги финалида АГМКга мағлуб бўлганди. "Андижон" эса жорий мавсумда "Қўқон-1912" билан мазкур ўйингоҳда дуранг ўйнади.


Эслатиб ўтамиз, мазкур жамоалар ўртасидаги ўйин бугун Фарғона шаҳридаги "Истиқлол" стадионида соат 18:30да старт олади.

Рейтинг: +6   

Фикрлар

championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг