Суперлига-2019. Наманган ва Бухорода минус 6, Жиззахда плюс 7...
10 дек 2019 09:47
Янгиликлар

Суперлига-2019. Наманган ва Бухорода минус 6, Жиззахда плюс 7...

2019 йилги Суперлига баҳсларига аталган маълумотларни беришда давом этамиз.

Бу сафар клубларимизнинг эгаллаган ўринлари ўтган йилги мавсумга нисбатан қанчалик ўзгаргани ҳақида сўз юритамиз.

2018 йилги мавсумда бронза медалларига эга чиққан "Навбаҳор" клуби бу йил мавсумни 9-ўринда тугатди. Жамоа бир йилда 6 поғона пасайди.

Худди шундай ҳолат "Бухоро" билан ҳам содир бўлганини кўриш мумкин. Бухороликлар бир йил аввал чемпионатни 6-ўринда тугатишганди, бу йил эса 12-ўрин эгалланди.

2019 йилги Суперлигада 13-ўринда тугатган "Қизилқум" ўтган мавсум 8-ўринни эгаллаган эди. Навоийда минус 5.

Бекободнинг "Металлург" ва Қаршининг "Насаф" клублари 2018 йилда қайси поғонани эгаллашган бўлса бу йил ҳам худди ўша ўринни эгаллашди.

Жиззахнинг "Сўғдиёна" клубида энг катта ўсиш кузатилди. Бир йил аввал 12та клуб иштирок этган чемпионатда 11-ўринни эгаллаб лигада қолиш учун ўтиш ўйинида майдонга тушган "Сўғдиёна" бу мавсум 4-ўринни қўлга киритишди.

Қуйидаги жадвалда барчасини ўзингиз кўриб олишингиз мумкин:

Клуб	2018 йил	2019 йил	+/-
Локомотив	1	2	-1
Пахтакор	2	1	+1
Навбаҳор	3	9	-6
Бунёдкор	4	3	+1
Металлург	5	5	0
Бухоро	6	12	-6
Насаф	7	7	0
Қизилқум	8	13	-5
Қўқон-1912	9	11	-2
АГМК	10	8	+2
Сўғдиёна	11	4	+7
Нефтчи	12	-	-
Сурхон	-	6	-
Андижон	-	10	-
Динамо	-	14	-