Шотландия ҳимоячиси жароҳат туфайли "Арсенал" ихтиёрига қайтадиган бўлди
21 июн 19:50
Янгиликлар

Шотландия ҳимоячиси жароҳат туфайли "Арсенал" ихтиёрига қайтадиган бўлди

"Арсенал" ва Шотландия терма жамоаси чап қанот ҳимоячиси Киран Тирни Евро-2024'да бошқа ўйнамайди.

Тирни Швейцарияга қарши ўйинда (1:1) тўпиғидан жароҳат олди, шу сабабли майдонни замбилда тарк этди. Тиббий кўрик натижаларига кўра, Тирни даволаниш учун "Арсенал" ихтиёрига қайтиши керак деган қарорга келинди.

Шотландия учун Тирни марказий ҳимоянинг чапида ҳаракат қилди.

Аввалроқ Германияга қарши ўйинда (1:5) ўта қўпол равишда қоида бузгани учун қизил карточка олган марказий ҳимоячи Райан Портеус гуруҳ босқичи сўнггга қадар дисквалификация қилинганди.

Шотландия 23 июнь куни плей-офф йўлланмаси учун Венгрияга қарши ўйнайди. Фақат ғалаба Стив Кларк жамоасига 1/8 финал йўлланмаси учун имкон қолдиради.

Ҳавола :

Манба : The Telegraph

Янгиликларни Телеграмда ўқинг!

Рейтинг: +1